संक्रमित थप १५६, पुग्यो १०४२, निको १८७ जना

काठमाडौँ । नेपालमा कोरोना संक्रमित बिहीबार एकैदिन नेपालमा १५६ जनामा देखिएको पुष्टि भएको छ । योसहित संक्रमितको संख्या १ हजार ४२ जना पुगेको हो । नियमित पत्रकार सम्मेलनमा थप १५६ जना पुष्टि भएको स्वास्थ्य तथा जनसंख्या मन्त्रालयले जनाएको छ ।
स्वास्थ्य मन्त्रालयका अनुसार हालसम्म प्रदेश १ मा १२९ जना, प्रदेश २ मा ४१५ जना, बागमती प्रदेशमा ४४ जना, गण्डकी प्रदेशमा १७ जना, प्रदेश ५ मा ३६९ जना, कर्णाली प्रदेशमा ४७ जना र सुदूरपश्चिम प्रदेशमा २१ जनामा संक्रमण पुष्टि भएको छ ।
कोरोना संक्रमणमुक्त भएर १८७ जना घर फर्किसकेका छन् । पछिल्लो पटक ४ जना थप डिस्चार्ज भएका हुन् । डिस्चार्ज भएकामध्ये प्रदेश १ मा ३० जना, प्रदेश २ मा १०१ जना, बागमती प्रदेशमा ११ जना, गण्डकी प्रदेशमा २ जना, प्रदेश ५ मा ३८ जना, र सुदूरपश्चिम प्रदेशमा ५ जना रहेका छन् भने कुल मृत्यु ५ जना रहेको छ ।