April 13, 2024

थप ६०९ जनासहित साढे १२ हजार निको, थप १५० संक्रमित

July 21, 2020

काठमाडौँ । नेपालमा पछिल्लो २४ घण्टामा थप १५० जनामा कोरोना भाइरस (कोभिड १९) को संक्रमण देखिएको स्वास्थ्य तथा जनसंख्या मन्त्रालय जनाएको छ । योसँगै नेपालमा कुल संक्रमितको संख्या १७ हजार ९९४ पुगेको छ ।
यसैगरी आज मंगलबार नै ६०९ जना निको भई डिस्चार्ज भएको डा गौतमले बताए । यो सँगै ६९.३४ प्रतिशत संक्रमित निको भएको हो ।
मन्त्रालयका प्रवक्ता डा. जागेश्वर गौतमका अनुसार संक्रमितमध्ये हालसम्म कोरोना जितेर घर फर्किनेको संख्या १२ हजार ४७७ पुगेको छ ।
त्यस्तै कोरोनाबाट ४० जनाले ज्यान गुमाईसकेका छन् । नेपालमा गत २४ घन्टामा पीसीआर विधिबाट ३ हजार ९६३ जनाको नमूना परीक्षण गरिएको छ । क्वारेन्टाइनमा बस्नेको संख्या २१ हजार ७०४ छ भने रेडजोनमा ५२९ जना रहेका छन् । हाल मुलुकका २७ वटा प्रयोगशालाबाट पीसीआर परीक्षण भइरहेको छ ।

- ADVERTISEMENT -