– बिना तामाङ
चितवन । तामाङ पत्रकार संघ जिल्ला शाखा चितवनले शुभकामना आदानप्रदान तथा अन्तक्र्रिया गरेको छ । संघले आज (आइतबार) ३१औं तामाङ प्रसारण दिवसको अवसर पारेर शुभकामना आदानप्रदान तथा अन्तक्र्रिया गरेको हो ।
- ADVERTISEMENT -
कार्यक्रममा तामाङ पत्रकार संघ संघीय सदस्य राजेश रुम्बा लामाको प्रमुख आतिथ्यता रहेको थियो । कार्यक्रमका प्रमुख अतिथि लामाले तामाङ पत्रकारहरुको कलम जनजातिको मुद्दाका लागि चलाउनु पर्ने बताए ।
जनजातिको हरेक मुद्दालाई विशेष प्राथमिकतामा राखेर अघि बढ्नु पर्ने उनको सुझाव थियो ।
- ADVERTISEMENT -
तामाङ पत्रकार संघ बागमती प्रदेश सदस्य बबिलाल तामाङले समाजमा आफ्नो अस्तित्वको लागि केही फरक किसिमको काम गर्नुपर्ने बताए । नियमित कार्यक्रम सँगसँगै दीर्घकालीन अस्तित्व रहने गरी संघले कदम चाल्नुपर्ने उनको भनाइ थियो ।
कार्यक्रममा संघका संस्थापक उपाध्यक्ष सरस्वती लामाले समाज परिवर्तनका लागि पत्रकारको भूमिका महत्वपूर्ण हुने बताए । जनजातिको हक, अधिकारका लागि हाम्रो ऐक्यवद्धता जरुरी रहेको उनले भनिन् ।
कार्यक्रमको स्वागत मन्तव्य युवक तामाङले दिए भने सञ्चालन संघका सचिव प्रतिमा तामाङले गरेकी हुन् ।
कार्यक्रम तामाङ पत्रकार संघ जिल्ला शाखा चितवनका कार्यवाहक अध्यक्ष सन्तोष तामाङको सभापतित्वमा सम्पन्न भएको थियो ।
यता, हेटौंडामा आजै दिउँसो ४ बजे ३१औं तामाङ प्रसारण दिवस मनाउन लागेको तामाङ पत्रकार संघ बागमती प्रदेशका अध्यक्ष ज्ञानेन्द्र तामाङले जानकारी दिए ।
अध्यक्ष तामाङका अनुसार कार्यक्रममा आइतेसिंह–बुद्धिमाया रुम्बा स्मृति तामाङ पत्रकारिता पुरस्कार–२०८२ ले ककनी गाउँपालिका–७, चतुराले, नुवाकोटका पत्रकार अर्जुनबहादुर ग्लान तामाङलाई पुरस्कृत गर्ने भएको छ ।
तामाङ पत्रकार संघ संघीय, प्रदेश र जिल्ला शाखा देशैभरका तामाङ पत्रकारहरुले आज ३१औं तामाङ प्रसारण दिवस मनाइरहेको छ ।
