चितवनवासीका लागि ‘मन्त्र ब्याण्ड’ चितवनमा

0
191

नारायणगढ । वाईएसी इभेन्ट्स प्रा.लि.ले नारायणी नदी किनारमा लाइफ कन्सर्ट गर्ने भएको । मंगलबार पत्रकार सम्मेलनमा ‘मन्त्र ब्याण्ड’ ले कन्सर्ट गर्ने आयोजक वाईएसी इभेन्ट्सले जानकारी गराएको हो ।
दार्जिलिङको चर्चित तथा लेजेन्ड्री रक ब्याण्ड ‘मन्त्र ब्याण्ड’को २० औं वर्षको अवसरमा अहिले देशका मुख्य सहरहरुमा भइरहेको कन्सर्ट अन्तर्गतनै १७ गते चितवनमा पनि हुन लागेको आयोजकको भनाइ छ ।
कन्सर्ट पहिले नै हुने भनिए पनि गत भाद्र २२ गते मन्त्रको टोली चढेको स्कार्पियो दुर्घटना भएपछि असोज १७ गतेलाई सारिएको आयोजकका एकजना सुशन राईले जानकारी दिए ।
भ्रमण वर्ष २०२० लाई लक्षित गर्दै आयोजना गरिएको उक्त कन्सर्टमा ५ हजार दर्शकहरुको उपस्थिति रहने आयोजकको अनुमान रहेको छ । कन्सर्ट अवलोकनका लागि ३ सय र १ हजारको टिकटको व्यवस्था गरिएको छ । यस्तै भिआइपीका लागि ५ हजारको टिकट शुल्क निर्धारण गरिएको छ ।
कन्सर्टमा १ हजारको टिकट खरिद गर्ने मध्य गोला प्रथाबाट ४ जनालाई वर्डलिंकले निःशुल्क इन्टरनेट उपलब्ध गराउने बताइएको छ । अपरान्ह ४ बजेबाट शुरु हुने कन्सर्टमा स्थानीय ‘द क्ल्याउड्स ब्याण्ड’ को पनि विशेष प्रस्तुति रहनेछ । मन्त्रको ‘सधैं सधैं’, ‘हिमाली नेपाली’, ‘वीर गोर्खाली’, ‘संस्कृति’, ‘आज किन’ लगायतका दर्जनौ सुपरहिट गीतहरु रहेका छन् ।