भरतपुर / जापानमा दुई दशक लामो रेस्टुरेन्ट व्यवसायको अनुभव हासिल गरेका व्यवसायीले नयाँ होटल तथा रेस्टुरेन्ट सञ्चालनमा ल्याएका छन् । भरतपुर महानगरपालिका–१०, दीपेन्द्रचोकमा ‘चितवन स्पाइस हर्ब’ नामबाट होटल सञ्चालनमा ल्याइएको शनिबार पत्रकार सम्मेलन मार्फत जानकारी गराएको हो ।
पत्रकार सम्मेलन बोल्दै हर्बका सञ्चालक प्रकाश आचार्यले बढ्दो शहरीकरणसँगै रेस्टुरेन्ट कल्चर र होटल तथा रेस्टुरेन्टमा खाना खाने प्रचलन बढिरहेको अवस्थालाई ध्यानमा राखेर होटल सञ्चालनमा ल्याइएको बताए । सञ्चालक आचार्यका अनुसार जापानमा सातवटा रेस्टुरेन्ट सफलतापूर्वक सञ्चालन गरेको अनुभवलाई नेपालमा प्रयोग गर्दै गुणस्तरीय, स्वच्छ तथा मौलिक स्वादसहितको सेवा दिने उद्देश्य राखिएको छ ।
- ADVERTISEMENT -
होटलमा १२ वटा डिलक्स कोठा रहेका छन् । साथै फरक डिजाइनका दुईवटा गोलाकार आकारका कोठा पनि निर्माण गरिएको छ । होटलमा ६० जना क्षमताको एउटा तथा ३०र३० जना क्षमताका दुईवटा हल छन् । त्यस्तै, १०० जना क्षमताको रेस्टुरेन्ट र २०० जना क्षमताको रूफटप रेस्टुरेन्टसमेत सञ्चालनमा रहेको उनले बताए ।
होटल परिसरमा २४ वटा कार र करिब १०० वटा मोटरसाइकल पार्किङ गर्न सकिने व्यवस्था छ । चार कठ्ठा जमिनमा निर्माण गरिएको होटलमा जग्गाबाहेक करिब पाँच करोड रुपैयाँ लगानी गरिएको छ ।
जापानीदेखि दक्षिण एसियाली परिकारसम्म
जापानमा लामो समय रेस्टुरेन्ट व्यवसाय सञ्चालन गरेको अनुभवलाई आधार बनाएर होटलमा जापानी, इन्डियन, चाइनिजलगायत दक्षिण एसियाली परिकारलाई प्राथमिकता दिइएको छ भने नेपाली अन्य रेस्टुरेन्टभन्दा फरक स्वाद दिने गरी मेनु तयार गरिएको उनको भनाइ छ ।
सञ्चालक आचार्यका अनुसार जापानको राजधानी टोकियोका प्रमुख बजार क्षेत्रमा समेत रेस्टुरेन्ट सञ्चालनको अनुभव छ । हाल जापानको खाचिदोकी, चुकिजिमा, चुक्का, हारुमी, तोयोसु र तोयोचोमा सञ्चालनमा रहेका रेस्टुरेन्टहरूको अनुभवलाई समेत चितवनको व्यवसायमा उपयोग गरिएको छ ।
पारिवारिक वातावरणमा सेवा
होटललाई शान्त र पारिवारिक वातावरणमा सञ्चालनमा ल्याइएको जनाइएको छ । विशेष अवसरमा छुटको व्यवस्था गरिएको भन्दै सञ्चालकले ग्राहकलाई होटलको सेवाको उपयोग गर्न आग्रह गरेका छन् ।
होटलमा बिहान ७ बजेदेखि बेलुका १० बजेसम्म विभिन्न परिकार तथा खाजाका स्वाद लिन सकिनेछ। ग्राहकको सुविधाका लागि होम डेलिभरी सेवा समेत उपलब्ध रहेको होटलले जनाएको छ ।
बैठक, गोष्ठी, सेमिनार, साधारणसभा, अधिवेशन, जन्मदिन, एनिभर्सरी, पारिवारिक जमघट तथा साथीभाइसँगको भेटघाटलगायत कार्यक्रमका लागि पनि होटल उपयुक्त हुने गरी पूर्वाधार तयार गरिएको छ ।
सञ्चालक आचार्यले व्यस्त समयका बाबजुद होटलका बारेमा समाचार सम्प्रेषण तथा प्रचारप्रसारमा सहयोग गर्ने सञ्चारकर्मीप्रति आभार व्यक्त गरेका छन्। उनले सञ्चारमाध्यममार्फत होटलको समाचारले उचित स्थान पाउने विश्वास व्यक्त गरे ।https://www.facebook.com/share/v/1CMe5h8V7H/
