राप्तीको यौरालीटारमा तीन दिने बृहत आँखा शिविर शुरु

चितवन / राप्ती नगरपालिका वडा नं. १२, यौरालीटारमा शल्यक्रिया सहितको तीन दिने बृहत आँखा शिविर सुरु भएको छ । उक्त शिविर नेपाल हेल्प, काठमाडौंको आयोजना र राप्ती नगरपालिकाको सहजीकरण र गांमबेशीको चेपाङ संरक्षण केन्द्रको समन्वयमा सुरु गरिएको हो ।
राप्ती नगरपालिका प्रमुख तथा कार्यक्रमका प्रमुख अतिथि प्रभा बरालले शिविरको उदघाटन गरेका हुन् । एभरेष्ट आई सेन्टर, गोपिकृष्ण मार्ग चावहिल काठमाडौंले सहजीकरण गरेका छन् ।
वरिष्ठ आँखा रोग विशेषज्ञ डा. कमल खड्काको टोलीले बिरामीहरुको आँखा परिक्षण गर्नुको साथै अप्रेसन, चश्मा र औषधी निःशुल्क उपलब्ध गराइने भएको छ ।
कार्यक्रममा नेपाल हेल्प काठमाडौंका कार्यकारी निर्देशक कृष्ण ढकाल, गामवेशीको चेपाङ संरक्षण केन्द्रका अध्यक्ष तथा चेपाङ अभियान्ता केपी किरण शर्मा, गणेश मावि यौरालीटारका प्राचार्य रामकृष्ण प्रजा लगायतले मन्तव्य दिएका थिए ।
शो शिविर शुक्रबार सम्म संचालन हुनेछ । शिविरको उदघाटन कार्यक्रमको अध्यक्षता नेपाल हेल्प काठमाडौंका कार्यकारी निर्देशक कृष्ण ढकालले गरेका थिए ।